নুয়া মোবাইল উহান গুতাগুতি করতে গিয়া আজি অন্ধকপা হারৌ আহান লাগিল। বাংলা এনাবল করিং উনিয়া ল্যাংগুয়েজ সেটিং এ গিয়া চউরিথাং আমার ঠারর নাঙহানৌ আসে। নর্থ-ইস্ট ইন্ডিয়ার বিতরে ইমে অসমীয়া, বাংলা বারো আমার ঠারহান মাল্টিমিডিয়া মোবাইলে হমাসে। মোর মোবাইল এহার ব্র্যান্ডহান ওয়ালটন, এন্ড্রয়েড সেটহান। কোন সফটওয়ার নাগৈ, মোবাইলহার ফার্মওয়ারে বিল্ট-ইন করেদেসি। তাপ্প তাপ্প হাবি মাল্টিমিডিয়া মোবাইলে আমার ঠারর নাঙহান পেইতাঙায় আশা থউরি।
ইন্টারনেটে লেখালেখি করিয়া কিতা কানা উনিয়া মাতেকুরা গিরিগিথানীর ভুলহান আগদিন বাগতই শৈনেই। আমার বিশ বছরর হন্না এহান বিফলে নাগেসেগা এহানই অউহার প্রমাণ। ইমারে আকদিন আমি পাহুরলেউ মেশিনেতে না পাহুরবো!
Advertisements
